Una sa Balita

2 ka lola nadakpan sa buy-bust sa Manila

By
0 246

Nagtingkagong karon sa bilanggoan ang duha ka babayeng lola human kini masikop sa gihimong buy-bust operation sa may Radium St., San Andres Bukid, Manila.

Nahitabo ang pagsikop sa mga suspek nga silang Irma Ruiz Acosta, 41, ug Virginia Soliman, 58, pasado alas-8:30 sa gabii Hulyo 12, 2018 , human nagpositibo ang ilang pagpakigtransaksyon kanila ang mga polis nga gipangulohan ni Police Supt. Albert Barot, station commander sa Sta. Ana Police Station.

Human makapalit diha-diha gisakmit sa mga otoridad gikan sa duha ang pito ka sachet sa gituhuang shabu nga gituhuang moabot sa 1.101 gramo ug nagkantidad kinig P7,100.

Gidala na sa MPD-Crime Laboratory ang mga nasakmit nga ebidensiya aron ipaubos sa qualitative ug quantitative examination.

Gitangong karon sila sa PS-6 custodial facility ug mag-atubang ug kasong kalapasan sa Comprehensive Dangerous Drugs Act of 2002. ()