Una sa Balita

2 floating school bus sa student

By
0 5

Malaking biyaya sa mga estudyante sa munisipalidad ng Paombong at Hagonoy, Bulacan ang ipinagkaloob na dalawang bangkang-de-motor ng sangay ng Land Bank of the Philippines (LBP) na tinawag nilang floating school bus upang maging mabilis at komportable ang pagpasok ng mga mag-aaral sa nasabing coastal town.

Ipinagkaloob ni Paulino Tiongson, branch manager ng LBP-Mac-Arthur Highway, Malolos City ang dalawang bangkang de-motor sa Tibagin National High School sa Barangay Tibagin, Hagonoy at pamahalaang-barangay ng Barangay Masukol, Paombong upang magamit ito ng mga estudyante sa nasabing mga lugar.

Nabatid na kayang magsakay ng 20 estudyante ang bawat bangkang-de-motor na ginugulan ng P65,000 bawat isa ng LBP-Malolos City branch bilang bahagi ng kanilang adbokasiyang makatulong sa mahihirap na estudyante sa coastal town ng Hagonoy at Paombong na sumasakay pa ng bangka para makapasok sa school.