Una sa Balita

150 ka mga mamumuo nagprotesta,gitangtang sa Regent Food Corporation

0 214

Dili na makabalik pa sa ilang mga trabaho ang gibanabana nga moabot sa 150 ka mamumuo nga nagprotesta sa tanang planta sa Regent Food Corporation (RFC).

Lakip pa niini ang moabot sa 23 ka tawo nga unang gisikop sa Pasig City Police Station tungod sa iligal nga pagbarikada sa main gates sa RFC sa Taguig ug Pasig ug sa gihimong pagpang-harass, pagtisuk ug kasamok ug pagpanakit sa mga mosulod nga kawani.

Matud ni Nociliado Marvin, pangulo sa Regent Foods Workers Union-PSSLU Local Chapter 441, sa hapin tulo ka semana nasirado sa kompaniya tungod sa gihimong protesta naglaum pakining makabalik sa trabaho bisan paman sa ilang pagbiya nila sa ilang puwesto ug gibiyaan ang operasyon sa planta.

Nasayran nga mihunong ug tulo kasemana ang operasyon sa Regent Foods ug walay deliveries, walay operation ug walay kita nahimo gihapon sa management sa Regent nga masuwelduhan ang mga nahabiling kawani ug nagpabiling misalig kanila bisan paman sa pagbiya sa ilang mga kauban.

Subay niini , mitisuk ug kasamok ang mga raliyista human ang tulo ka semana nga pagpang-harass sa gawas sa kompaniya nga wala usab uyoni Department of Labor and Employment tungod kay wala silay igong dokumento aron mopahigayun silag rally sa gawas sa gitrabahuang planta.

Nahitabo ang komosyon tali sa mga nagrally nga empleyado ug mga kasaligang empleyado niadtong Sabado sa buntag dihang gibanbagan sa mga raliyista ang mosulod nga mga kawani og gipugngang makasulod, ug dinhi nagsugod ang ilang panagbingkil, ug nagkasinakitay, ug nagbinatuay diin ang ubang raliyista giingong misablig og asido.

Tungod sa komosyon, 11 ang naangol nga guwardiya sa habig sa Regent samtang aaa sa 23 ka raliyista ang nasikop tungod sa nahitabong kasamok ug gitanggong karon sa Pasig CPS detention cell ug mag-atubang sa kasong multiple physical injury, alarm and scandal, ug illegal possession of deadly weapon ug direct assault sa pagsupak sa kapolisan.

Matud pa sa presidente sa unyon nga gusto lang nga makabalik ang mga empleyado sa Regent apan base sa ilang gihimo ug pagbiya sa ilang puwesto sa trabaho, hayan dili ka sila pabalikun subay sa pamahayag sa ilang abogado ug sa Human Resource Department.

“Sobra na, tama na. Maling-mali na ang ginawa nila. Umabot na sa sakitan sa kapwa nila empleyado na matagal na nilang nakasama at ang masama pa ay nakipag-ugnayan sila sa KMU,” matud ni Marvin. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy