Una sa Balita

120 ka matang sa tambal paubsan ang presyo

0 234

Giandam na sa Department of Health ang draft sa Executive Order (EO) alang sa balaodnon nga magpaubos o price regulation alang sa 120 ka matang sa tambal sa nasud.

Sa usa ka forum sa Quezon City, matud ni Health Secretary Franciso Duque nga ilang giandam ang pag-draft sa EO alang sa baratong kantidad da mga tambal nga maoy kasagarang paliton sa mga kabus nga pamilya.

Ang 120 ka tambal nga gipaling ipaubos ang presyo mao ang tambal sa hypertension, diabetes, cardiovascular disease, chronic lung diseases, neonatal diseases ug major cancers.

Lakip usab sa listahan ang mga tambal sa chronic renal disease, psoriasis ug rheumatoid arthritis nga maoy kasagarang gigamit sa mga pasyente ug medical societies.

Matud niya nga kung mahuman na ang draft ilaha dayun kining irekomendar sa buhatan ni Presidente Rodrigo Duterte alang sa pagpahamtang og maximum drug retail price sa mga tambal subay sa Cheaper Medicines Act of 2008.

Unos sa “maximum retail price scheme,” ang presyo sa mga napiling tambal gipaabot nga makuhaan ug moubos ang presyo og 56 porsiyento gikan sa presyo karon sa mga pharmacy kun mapirmahan sa Presidente ang EO.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy