Una sa Balita

12 katao kalaboso sa shabu

0 695

NAAKTUHAN sa pot session ang 12 katao na dinakip ng mga awtoridad sa magkahiwalay na lugar sa Caloocan kahapon nang madaling-araw.

Sa ulat nina PO1 Juan Miguel Madlangbayan at PO1 Rafael Tuballas ng Caloocan City Police - Station Drug Enforcement Unit (SDEU), unang naaresto ang limang mga suspek na sina Dennis Sinner, 32-anyos; magkapatid na Ryan Batchao, 19-anyos at Patrick Batchao, 17-anyos; Jo­bert Villanueva, 36-anyos at Kristalyn Barlam, 20-anyos sa isang bahay sa Block 2, Santiago St., Vista Berde, Brgy. 166, Caybiga nang nasabing lungsod, ganap na alas-dos ng madaling-araw.
Nakatanggap ng tawag ang nasabing himpilan hinggil sa lantaran pot session sa lugar. Wala naman sa drugs watchlist ang mga suspek.

Samantala, pasado alas-singko nang madaling-araw din nang mahuli sina Ricky Guadamore, alyas Eking, 43-anyos; pinsan na si Benjamin Guadamore Jr., alyas Junior, 18-an­yos; Junaid Macatood, 29-anyos; Nestor Flor Jr., 29-anyos; Hamdan Adato, 24-anyos; Jackielyn Montallana, alyas Jane, 34 at Marissa Escobar, 34-anyos sa Phase 4B, Package IX, Block 78, Brgy. 176 nang nasabi ring lungsod. (Cherk Balagtas)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy