Una sa Balita

Quizon papakondisyon, pipiga sa Asian Youth

By
0 665

Nagsilbing ensayo para kay Philippine chess wizard at Dasmariñas City bet Daniel Quizon ang fifth place finish niya sa katatapos na “The Search for the next Wesley So” kamakailan.

Nakatuon naman ang atensiyon ni Quizon sa 2018 Asian Youth Chess Championships na gaganapin sa Lotus Pang Suan Kaew Hotel sa Chiang Mai, Thailand sa Marso 31-Abril 10.

Binansagang “Super Kid”, si Quizon ay nagkampeon sa 10th Kidapawan Open Chess Tournament na ginanap sa Notre Dame of Kidapawan College, Kidapawan City nitong Pebrero.

Tumapos din ng runner-up si Quizon kay eventual champion Chinese Grandmaster Bai Jinshi sa China Youth Chess International Tournament nitong Enero sa Harbin, China.

“Marami pong sala­mat sa mga sumusuporta sa akin, gagawin ko po ang lahat para makapag-uwi ng karangalan sa bansa,” ani Quizon, na suportado nina Dasmariñas City Mayor Elpidio “Pidi” Barzaga Jr. at Congresswoman Jenny Barzaga sa kanyang mga torneo.