Una sa Balita

101 ka volcanic earthquake ang nahitabo sulod sa 24 oras – Phivolcs

By
0 306

Moabot sa 101 ang natala nga linog gikan sa bulkan lakip na ang upat ka low-frequency event, sa Taal Volcano Network (TVN) sa nakalabay nga 24 oras gikan Martes hangtud karong adlawa Miyerkoles, matud sa Philippine Institute of Volcanology and Seismology (Phivolcs).

Nagpasabot kini nga ang mga datos kini sa mga aktibidad sa magma sa sulod sa bulkan nga mahimong maghatag ug pagbuto sa Main Crater.

Samtang ,matud usab sa 8 AM bulletin sa Phivolcs katong Pebrero 12, 2020, anaa sa 50 hangtud sa 100 metro ang gitas-on nga gibuga nga steam-laden plumes (aso ug abo) sa Bulkang Taal, samtang anaa sa 67 ka tonelada ang gipagawas niining sulfur dioxide kagahapon, Pebrero 11, kun itandi sa 5,299 ka tonelada niadtong unang pagbuto sa bulkan niadtong Enero 13.

Ang gibugang sulfur dioxide maoy hitumbok nga pagtaas sa lihok sa magma sa ibabaw o surface sa bulkan.

Anaa sa alert level 3 pa gihapon ang bulkan kaganihang buntag, ug gipaabot ang steam-driven ug hinay nga phreatomagmatic explosions, volcanic earthquakes, ashfall ug nakamatay nga pagbuga sa aso sa isla ug silingang mga baybayon kalapit na mga baybayin.

This website uses cookies to improve your experience. We'll assume you're ok with this, but you can opt-out if you wish. Accept Read More