Una sa Balita

1,000 ka kahon sa toxic katol nasakmit sa Pasig Market

By
0 210

Moabot sa 1,000 ka dili rehistradong mga katol ang nasakmit sa hiniusang puwersa sa Eastern Police District (EPD), National Capital Region Police Office (NCRPO) ug Food and Drug Administration (FDA) sa moabot sa 20 ka tindahan nga namaligya ug toxic katol sa Pasig Mega Market.

Subay sa report, nakig-alayon ang FDA sa NCRPO aron masikop ang mga tindahan sa Pasig Mega Market diin nagpasad ang pagpamaligya sa Wawang, Baoma ug Gold Deer brand nga pulos dili rehistrado sa FDA.

Nasayran nga makadaut sa panglawas ang mga toxic nga katol busa mihimog dinaliang aksyon ang FDA aron masilop ug pagsakmit ang mga gipamaligya nga katol sulod sa Pasig Market kauban ang mga otoridad.

Busa gironda sa gropu sa NCRPO, FDA kauban ang EPD sa pagpangulo sa ilang bag-ong District Director nga si Sr. Supt. Bernabe Balba nga maoy nangulo sa pagsikop sa tindahan nga namaligya sa mga toxic na katol.