Una sa Balita

100 ka NPA miatras sa 6 ka polis sa Samar

By
0 174

Gibanabana nga moabot sa 100 ka miyembro sa New People’s Army (NPA) ang misulong sa istasyon sa kapolisan sa Lapinig, Northern Samar alas-dos kaganihang kadlawon.

Matud ni Police Insp. Noli Montibon, hepe sa kapolisan sa maong lungsud nga sakay sa duha ka truck, mga motorsiklo ug ang ubang rebelde naglakaw.

Matud niya nga gipalibutan ang ilang istasyon sa wala pa kini paulani ug mga bala ang mga rebelde.

Matud pa sa opisyal nga bisan unom lang silang ka polis nga nagduty ilang na depensahan ang ilang estasyonan sulod da 20 minutos nga sinukliay ug bala.

Sa dihang wala maaundang ang pagpabuto sa kapolisan napugos pag-atas ang mga rebelde ug daling mipahilayo.

Duha sa mga polis ang samdan ug gidala kini sa tambalanan.

Giklaro ni Montibon nga adunay mga samdan sa mga rebelde.