Una sa Balita

10 ka senador pabor sa Department of Culture

By
0 81

Gipahimo sa 10 ka senador ang usa ka ahensya nga nagtinguha ug mga programa alang mapalambo ang arts ug kultura sa nasud.

Sa Senate Bill No. 1528 nga gipangamahanan ni Senador Chiz Escudero ug giubanan sa siyam ka senador, ipaubos ang kasamtangang National Commission on Culture and the Arts (NCCA) ngadto sa Department of Culture.

Lakip sa mipaluyo sa maong lakang mao silang Senate Majority Leader Juan Miguel Zubiri ug uban pang mga senador nga silang Loren Legarda, Nancy Binay, Bam Aquino IV, JV Ejercito, Joel Villanueva, Sherwin Gatchalian, Risa Hontiveros ug Sonny Angara.

Matud ni Escudero, chairman sa Senate Committee on Education, Arts and Clulture, kinahanglan.nga hatagan ug importansya ang arts ug kultura tungod kay lakip kini sa nagpalig- on sa nasud.

“The passage of this bill will further nurture and preserve our Filipino heritage by enhancing the agency’s mandate and giving it more authority in implementing the programs that will promote the importance of the Philippine arts and culture,” dugang pa ni Escudero.

Anaa sa ikaduhang pagbasa na ang balaodnon human kini aprubahe sa komite.

Sa gisugyot nga balaodnon, ipaubos sa Department of Culture ang 12 ka ahensya.

Kini ang Cultural Center of the Philippines (CCP), National Museum of the Philippines (NMP), National Historical Commission of the Philippines (NHCP), National Library of the Philippines (NLP), National Archives of the Philippines (NAP), Komisyon ng Wikang Filipino (KWF), Intramuros Administration (lA), National Parks Development Committee (NPDC), Nayong Filipino Foundation (NPF), Film Development Council of the Philippines (FDCP), National Book Development Board (NBDB) ug Design Center of the Philippines.

Aduna kini tinuig nga budget nga dili moubos sa P2 ka bilyon matag tuig.