Una sa Balita

10 ka kandidato pagka Justice, nasulod sa shortlist sa JBC

By
0 62

Napulo ka pangalan ang nalakip sa shortlist sa Judicial and Bar Council (JBC) nga maoy pilian ni Presidente Rodrigo Duterte nga maoy itudlo nga bag-ong Justice sa Korte Suprema.

Kini tungod sa nagkaduol nga pagretiro ni Associate Justice Noel Tijam sa January 5, 2019.

Nag-una sa shortlist ang mga Justices sa Court of Appeals (CA) nga silang CA Justices Manuel Barrios, Japar Dimaampao ug Amy Lazaro-Javier na pareho nga nakakuha ug unom ka boto.

Tag lima ka boto ang nakuha nilang Sandiganbayan Presiding Justice Amparo Cabotaje-Tang, CA Justices Ramon Cruz, Ramon Garcia ug Mario Lopez.

Nasulod usab sa shortlist si Court Administrator ug Supreme Court Spokesperson Jose Midas Marquez, CA Justice Apolinario Bruselas ug kanhi Ateneo Law Dean Cesar Villanueva nga nakakuha og tag-upat ka boto.

Ang listahan giduso na sa Malacañang.

Sa ilawom sa 1987 Constitution, adunay 90 ka adlaw aron motudlo ang Presidente og bag-ong miyembro sa Korte Suprema human nabakante ang posisyon.