Una sa Balita

1 patay, 3 naangol tungod sa ashfall

By
0 289

Gipahimatngunan sa kapolisan ang mga motorista nga moagi da mga dapit nga apektado sa ashfall tungod sa pagbuto sa Taal Volcano.

Kini human namatay ang usa ka truck driver dihang nawagtangan og kontrol ang manibela tungod sa zero visibility ug natabunan sa abo ang windshield niini sa Laguna.

Matud ni Laguna Provincial Police Office Director Col. Eleazar Matta, nga gimaniho ang truck ni Gilbert Briones.

Nalimbuwad ang truck samtang nagsiubay sa likuong bahin sa dalan sa Barangay Paciano Rizal, Calamba City mga ala-una sa hapon niadtong Enero 13.

Mibangga kini sa konkretong poste ug sa kusog sa impact, diha diha namatay si Briones.

Samtang, naangol usab sa insidente ang mga truck helper nga silang Jovin Dayson Daen, 22; Charity Flores, 33; ug Reymar Dayson Daen, 34.

This website uses cookies to improve your experience. We'll assume you're ok with this, but you can opt-out if you wish. Accept Read More