Una sa Balita

1 ka sundalo patay, 2 naangol sa engkuwentro sa NPA

0 214

Usa ka sundalo ang namatay samtang 2 ang samaran human nahitabo ang engkuwentro batok sa mga sakop sa New People’s Army (NPA) kagabi sa Manjuyod, Negros Oriental.

Matud ni Brig. General Ignacio Madriaga, commander ng 302nd Brigade sa Philippine Army, wala una nila gibutyag ang pangalan sa namatay nga sundalo ug duha nga naangol kay wala pa nila gipahibalo ang ilang mga pamilya.

Nasayran nga ang tropa maoy escort sa mga doctor nga mipahigayun og medical mission sa bayan lungsud sa Manjuyod apan nakadawat silag taho gikan sa mga molupyo kabahin sa presensya sa mga NPA sa dapit hinungdan nga miagi sila sa lahing lugar aron makalikay kanila.

Apan mga alas 11:35 sa gabii pag-abot nila sa Barangay Bantolinao sa maong lungsud gibanabana nga moabot sa 20 NPA ang naengkuwentro sa tropa nga miabot og 30 minutos ang pinusilay sa wala pa miatras ang mga NPA.

Human sa engkuwentro usa sa mga sundalo mibuhis sa iyang kinabuhi samtang laing duha ang naangol..

“We have prevented the atrocities to happen, but unfortunately, one of our colleagues sacrificed his life in the call of duty for peace,” matud ni Madriaga.

Sapagkakaron nagpadayun ang gihimong operasyon sa militar sa paggukod sa mga misibat nga NPA. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy