Una sa Balita

1.5 ka toneladang giant clams nasakmit sa Sagay, Negros Occidental

0 202

Tulo ka tawo ang nasikop tungod sa kalapasan sa balaod nga nagdili sa “illegal, unreported ug unregulated fishing” sa Sagay City, Negros Occidental.

Matud sa taho nasakmit sa gihimong operasyon ang moabot sa 1.5 ka toneladang dagkung clams o “Manlot” gikan sa mga suspek nga silang Felix Causapin, 60; Lito Cañete, 49; ug Adan Atabelo, 54, mga alas-11:40 sa udto niadtong Abril 11 sa Barangay Molocaboc.

Ibanabana nga moabot sa 127 kabuok nga fossilized Manlot o Tridacna gigas ang nasakmit sa mga nasikop tungod sa pagtago sa labing daku nga shell sa Pilipinas.

Giingong gibaligya kini sa mga suspek sa usa ka anonymous buyer nga mitanyag ug P1,000 matag kilo sa clams.

Subay sa International Union for Conservation of Nature, ang Tridacna gigas o Manlot ay “vulnerable species” nga gikonsiderar nga “extinct in the wild” o anaa sa conservation status na. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy