Menu

HEALTH FRONTIERS: Puro pigsa

HEALTH FRONTIERS: Puro pigsa

Bakit laging may pigsa ang asawa ko? Pag nag-a-antibiotic siya lagi naman gumagaling ito pero pagkalipas ng tatlong linggo may lalabas na naman. Hindi ba masama sa katawan kapag laging umiinom ng antibiotic? Maraming lumabas na pigsang maliit sa katawan niya. Pagdumi niya kanina may kasamang dugo. Ano kaya ang dahilan nito?  -- Cindell Rayne Lebayno


***


Kapag nireseta ito ng matinong doktor at sinunod ang tamang dose, hindi masama ang pag-inom ng ­antobiotics. Nag­ka­karoon lang ng problema kapag ­hindi sinunod ang reseta. ­Either, kulang o sobra ang pag-inom mo. Dahil dito nawawala ang bisa ng antibiotic at ­tumatagal ang sakit. Kailangan mo ring uminom ng mas malakas ng gamot kasi hindi na tumatalab ang dating gamot.


Kadalasan ang ­pigsa (boil) ay galing sa staphy­lococcus aureus, isang bacteria na nakatira sa ilong at balat. Nagkakaroon ng pigsa kapag ku­malat ang bacteria sa ibang bahagi ng katawan. Hindi kailangan ng ­antibiotic dito dahil puputok ang pigsa sa katagalan at ma­wa­wala. Huwag lang galawin o tirisin ito para hindi kumalat ang impek­syon. Lagyan ng warm compress para madaling pumutok at hugasan ang kamay at mga personal na gamit nang mabuti.


Carbuncle ang tawag kapag dumami ang pigsa. Madalas makita ito sa leeg, balikat at hita. Mas malala ang impeksyon ng carbuncle at ­maaring mag-iwan ito ng ­peklat. Dalhin ito sa doktor kapag sobrang sakit, may lagnat o giniginaw ka at hindi nawala pagkalipas ng dalawang linggo.


Malamang meron isang tao sa bahay na may staph infection kaya hindi nawawala ang pigsa ng asawa mo o hindi nahugasan nang mabuti ang mga personal na gamit niya kaya pabalik-palik ang impeksyon. Madalas din ang pigsa sa mga taong may diabetes o ibang sakit sa balat tulad ng tagihawat o eczema. Lumalabas din ito kapag mahina ang immune system.


Kung may halong dugo ang dumi, malamang galing ito sa colitis (pamamaga ng colon), peptic ulcer o cancer. Kadalasan almoranas ang sanhi nito lalo na kapag matingkad na pula o maroon ang kulay nito. Magpatingin sa doktor para malaman kung saan galing ito.


***


May problema ka ba sa kalusugan? Nais mo bang maliwanagan sa sakit mo? Mag e-mail kay George Nava True II sa This email address is being protected from spambots. You need JavaScript enabled to view it. o mag-text sa 0935-972-0691. Sasagutin ni George ang problema mo rito. Si George ay National Press Club at Philippine Dental Association awardee at author ng 3 health books.

Read more...

WALANG BOLAHAN: Na-in love ako nang walang ligawan (7)

WALANG BOLAHAN: Na-in love ako nang walang ligawan (7)

Dear Dra. Holmes: (shortened Nov. 7 letter)


Wala kaming anak ng husband ko at naiinip na ako sa kahihintay. I met Allan, biyudo. Sobrang na-in love ako, kahit walang ligawan. Pero lagi kaming nag-aaway.


Ilang beses akong nag-attempt ­mag-suicide dahil ‘di ko kayang ma­wala siya sa akin. Ilang kaibigan at kapamilya niya ang kinausap ko pero hindi niya inintindi.

Read more...