Hanggang sa ngayon ay hindi pa makarekober itong isang kontrobersyal na presidential appointee sa masaklap na sinapit ng kanyang personal na buhay, dahil hanggang sa ngayon ay ito pa rin ang bukam­bibig niya sa tuwing may pupunta­hang okasyon, kahit na wala ito sa lugar at hindi naman itinatanong sa kanya.

Bulong kay Mang Teban, kahit sa isang opis­yal na pulong ng political party na kinasasaniban nito ay hindi napigilan ni opisyal ang magkusang magkuwento hinggil sa masamang pag-uugali ng kanyang dating “lady love” at ang pagsasamantala umano nito sa kanyang kabaitan.

Wala namang magawa ang mga kausap ni opis­yal kundi makinig sa sama nang loob nito at magbigay ng sinserong tapik sa balikat nito.

Pintahan n’yo na: Si opisyal na hirap pa rin na mag-move on sa dating kare­lasyon at patuloy itong sinisiraan sa mga nakakadaupang-palad ay itago na lamang natin sa inisyal na “Senior Lover Boy.”