SANTIAGO CITY, Isabela --- Nasa kritikal na kondisyon ngayon ang isang dating chairman ng Raniag Ramon, Isabela matapos tambangan at pagbabarilin ng dalawang ‘di pa kilalang kalalakihan sa Barangay Malapat, Cordon, sa lalawigang ito kamakalawa.

Ang biktima ay nakila­lang si Bayani Rimando na isinugod sa pagamutan upang lapatan ng lunas matapos magtamo ng tama ng bala ng baril sa balikat, dibdib at kamay.

Ayon sa pulisya, si Rimando ay nagtungo sa nasabing lugar upang dalawin ang kanyang mga farm na may manukan na panabong lulan ng kanyang pick-up na may plakang TFY 193 ng ito’y tambangan at pagbabarilin ng dalawang lalaking nakamotorsiko.

Napag-alaman pa ng mga awtoridad na si Rimando umano ay coordinator din ng isang political party kaya ito ang isang tinitignang dahilan sa pamamaril sa biktima.