Worried ang mga tao sa paligid ni Jasmine Villegas dahil baka siya ang mapagbuntunan ng galit ng mga selosang fans ni Justin Bieber.

Si Jasmine ang 16-year old Fil-Am singer na nakunan ng litrato habang nakikipaghalikan sa sikat na Canadian pop superstar sa backseat ng isang sasakyan.

Ito ang report ng TMZ, isang sikat na entertainment website sa US:

“The chick playing tonsil hockey with The Biebs is 16-year-old Jasmine Villegas -- who also happens to be the opening act on Bieber’s concert tour.

“The photos were taken on Thursday, September 9 in Venice, CA by some Canadian tourist who just happened to notice his country’s most famous pop star in the midst of a make-out session with the luckiest teenage girl on the planet.”

Matagal nang napapabalita na may relasyon ang da­lawa pero magkaibigan lamang sila ang kanilang sagot sa mga nagtatanong.

Si Jasmine ang leading lady sa music video ng Baby at siya rin ang opening act sa North America concert tour ni Justin. Ang Baby ang hit song ni Bieber.

***

Filipina ang ina ni Jasmine, may dugong Mexican ang kanyang American father at nakatira sila sa San Jose, California. Nakilala ng mga Filipino si Jasmine nang umuwi siya sa Pilipinas noong May 2008 para magkaroon ng showbiz career.

Lumabas si Jasmine sa mga programa ng GMA 7 at si Congressman Manny Pacquiao ang kanyang business manager.

Nagkakilala sina Manny at Jasmine dahil ito ang kumanta ng US National Anthem sa mga boxing match ni Pacquiao sa Las Vegas.

***

May mga natuwa sa balita na girlfriend ni Justin si Jasmine, pero may mga nagduda na publicity stunt lamang ang kissing pictures para sa kanilang concert tour.

Pinakamatindi ang tsis­mis na ginagamit lamang si Jasmine para mabura ang gay rumors tungkol kay Justin.