Inatasan kahapon ni Department of Labor and Employment (DOLE) Secretary Rosalinda D. Baldoz ang Philippine Overseas Employment Administration (POEA) na paigtingin pa ang kampanya kontra illegal recruitment at tiyaking madala hanggang sa barangay ang kampanya alinsunod sa 22-point labor at employment agenda ni Pangulong Benigno ‘Noynoy’ Aquino III.

Pahayag ni Baldoz, “there is a need for the POEA to cover more ground and expand its reach in the fight against illegal recruitment to heighten the protection and welfare of the overseas Filipino workers (OFWs).”

Ayon pa sa kalihim, kailangang maresolba ng DOLE ang problemang ito sa illegal recruitment alinsunod sa kautusan ni Pangulong Aquino.

Kasabay nito ay pinakilos agad ng kalihim ang POEA upang makabuo ng alyansa sa pagitan ng local government units sa pakikipaglaban sa illegal recruiters.

Ang estratehiya ng al­yansa sa pagitan ng local government units (LGUs) at samahan ng pribadong sektor sa kampanya sa illegal recruitment ay lalong pinalakas dahil sa napakalimitadong tauhan at pondo ng ahensya.