SA September 17 pa ang 26th birthday ni Francine Prieto pero maaga siyang binigyan ng birthday dinner ni Mr. Diocildo Sy ng Everbilena. Joint birthday celebration ang nangyari dahil magkasunod ang birthday ni Francine at ni Mr. Sy.

Two years nang endorser si Francine ng Everbilena at kitang-kita na alagang-alaga siya ng nabanggit na company.

***

Nabawasan na ang timbang ni Francine mula nang lumabas siya sa Blackout Fashion Show ng Bench noong July 25, 2008. Sineseryoso na ni Francine ang pagpapapayat at umiwas na rin siya na kumain nang kumain,

dahil siya mismo ang nakakaramdam ng pangingilabot sa tuwing nakikikita niya sa TV ang sarili.

Nagsimula ang pagtaba ni Francine noong isang taon nang sabihin sa kanya ang biglang pamamaalam sa ere ng top-rating sitcom na Bahay Mo Ba’To.

Dumanas ng matinding depression si Francine at ang pagkain ng marami ang kanyang naging bisyo. Nalungkot nang husto si Francine dahil na-miss nito ang mga kasamahan sa Bahay Mo Ba’To at inisip din niya na malaking kawalan ang show dahil siya ang breadwinner ng pamilya.

Karagdagang problema rin ang mga bayarin tulad ng townhouse na hinuhulugan niya sa bangko.

Ang kanyang pamil­ya ang primary concern ni Francine. Handa raw siya na maging matandang dalaga, alang-alang sa pamilya niya.
At 26, malayo sa isip ni Francine na lumagay sa tahimik. Mag-aasawa lamang daw siya kapag nabigyan na niya ng sari­ling bahay at negosyo ang kanyang ina at mga kapatid.

***

Present sa birthday dinner para kay Francine ang businessman na si Philip Cu-Unjieng. Matalik na kaibigan ang turing ni Francine kay Philip na matagal nang napapabalita na boyfriend niya.

Ayon kay Francine, mabuting kaibigan si Philip dahil ito ang kanyang karamay noong nakakaramdam siya ng depression.

Nabigyan din siya ni Philip ng mga trabaho noong bihira ang kanyang mga TV guesting at out-of-town shows.

Komportableng-komportable sa isa’t isa sina Francine at Philip. Hindi na sila naiilang na makita na magkasama.

***

Comments are welcome at jojogabinete@yahoo.com.