Pormal na inilunsad kamakailan ng First Class Agriculture Corporation ang Fresh Choice Always (FCA), ang brand ng gulay at prutas na kilalang-kilala sa pagiging sariwa at GMO free. Ito ay makikita sa mga shelves ng Luzon based-SM Supermarkets at Hypermart at Makro.

Ang First Class Agriculture) ay pag-aari ng AgriNurture Inc. (ANI), ang nangungunang agro-industrial company na mapapasama sa listahan ng Philippine Stock Exchange ngayong taon ay mahigit nang 10 taon sa pagnenegosyo at bihasa na sa agro-commercial business simula noong 1997.

Kamakailan lalo pang napagtibay nito ang apat na major subsidiaries upang mapalawak ang kanilang market coverage hindi lamang sa ibang bansa ngunit maging sa Luzon.

Naging host ang ANI sa nasabing espesyal na okasyon sa kanilang packing at distribution center na may processing at storage facilities sa Pulilan, Bulacan upang ipakilala ang FCA brand. Dito, sinisigurado nilang sariwa at ligtas ang kanilang mga produkto.

“Safety is guaranteed from harvesting to sorting and packing, transport and delivery to trade, with daily pullout and replenishment at trade,” ayon kay ANI president at CEO Antonio Tiu.

Idinagdag pa nito na ang FCA veggies ay garantisadong safe at sariwa kaya’t tiyak na sagana ito sa bitamina na kailangan para sa malusog na pamilya.

Ang iba’t ibang produkto ng ANI katulad ng sariwang prutas at canned processed fruit-based products ay exported sa buong mundo maliban sa Africa at South America. Ito rin ang parent company ng First Class Agriculture, Fresh at Green Harvest Company, Best Choice Harvest, Fruitilicous, Nutrilicious Marketing, Lucky Fruit at Vegetable Products, M2000 IMEX Co. Malapit na ring ilunsad ang kanilang e-commerse website via http://www.ani.com.ph.