Daan-daang plastic sachet ng shabu at marijuana ang nasamsam ng mga tauhan ng Bureau of Jail Management & Penology (BJMP) sa sorpresang inspection ng mga selda sa loob ng Quezon City Jail kahapon.

Ang “operation greyhound” ng QC Jail ay pinamunuan ng bagong upong Jail Warden na si Supt. Emilio Culang, Jr.

Ayon kay Supt. Culang humigit kumulang sa 200 plastic sachet ng shabu at marijuana ang kanilang nakumpiska mula sa dalawang selda pa lang 70 pi­raso ng iba’t-ibang unit ng cellphone at iba’t-ibang uri rin ng mga patalim ang nakuha.

Inaasahang madaragdagan pa ang bilang ng mga nakumpiskang droga,

cellphone at mga patalim sa sandaling matapos na ang kanilang isinagawang operasyon sa loob ng nasa­bing piitan.

Labis ding ipinagtaka ni Supt. Culang kung paanong nakapasok sa loob ang mga cellphone, droga lalo na ang mga patalim gayung napaka-higpit umano ang ipinatutupad na inspection sa mga dalaw.