ADS 

'Marima' muse ng anong team?

Malou Aquino

At humirit pa nga ang Ateneo Blue Eagles, matapos manalo sa mortal na kalabang La Salle Green Archers, 65-64. Si Chris Tiu ang nanguna sa tropa ni coach Norman Black at bukas ang muling paghaharap ng dalawang koponan sa Big Dome.

Kung punum-puno ang Araneta Coliseum noong Huwebes, siguradong mas mapupuno ang venue, dahil do-or-die ang labanan.

Makabawi kaya ang La Salle? Bale ba, 3-1 ang one-on-one battle ng dalawa at pabor ito sa Ateneo.

Kung muling mananalo ang Ateneo, sila na ang haharap sa nagpapahinga at naghihintay na UE Red Warriors sa kampeonato.

May the best team win!

***

Sa pagbubukas ng 33rd season ng PBA sa Oktubre 14, pambungad na laro ang San Miguel Beer kontra Air21 Express. Pero bago magsimula ang laro ay may konting entertainment na pagpasigla sa mga manonood, na pangungunahan nina Jose Manalo at Wally Bayola ng Eat Bulaga.

Posibleng kwela talaga ang pagbubukas ng 2007-2008 All-Filipino Conference. Matapos ang pampasiglang bilang nina Jose at Wally, isusunod ang pormal na opening ceremonies, kung saan paparada ang naggagandang muse ng bawat koponan.

Aling team kaya ang kukuha kay Ms. Marian ‘Marimar’ Rivera bilang muse?

Marami kasing nag-aabang sa magandang dilag, kaya abangan natin kung aling koponan ang mapalad.

***

Isa lamang ang San Beda College sa may koleksiyon ng maraming championship trophy sa NCAA basketball. Actually, may 13 seniors crown ang Red Lions. Nangunguna ang Letran na may 15, kasunod ang dating miyembrong Ateneo (14).

Para kay San Beda rookie coach Frankie Lim, ang kampeonato ang nagsisibling pagtanaw niya ng utang na loob sa kanyang alma-mater.

Sumandal si Lim sa kanyang malalim na bench sa pangunguna ni incoming pro Yousif Aljamal, Sam Ekwe, Pong Escobal Borgie Hermida, Riedo Gamalinda, Raymund Maggay at ang baguhang si Dave Marcelo, na siyang nahirang na Rookie of the Year.

***

Greetings: Congratulations sa ‘Sign Cutter Salon’ na nagbukas kahapon. Thanks sa may-ari na si Mrs. Pura Cachuela, na nag-invite sa inyong lingkod para mag-cut ng ribbon sa opening ng naturang salon. Ito ay matatagpuan sa 1220 Barlin St. Sampaloc, Mla. malapit ito sa UST. Goodluck po.

<BACK