|
|
|
Barangay captain, kagawad nagpaliwanag sa Misyon aksyon |
|
|
Arnel 'Dador' Petil |
|
|
Ipinaliwanag kamakalawa ni kagawad Salve Cabaltera Chairman Committee on appropriations na hindi nila iniipit ang check voucher na pambayad sa kontraktor na inirereklamo ng mga trabahador na tapos na ngunit ayaw pang pirmahan. Ayon kay kagawad Salve Cabaltera sinusunod lamang nila ang bagong proseso at guidelines na ipinaiiral ng COA. Tinitiyak din nilang maayos na dumaan sa tamang proseso at sinang-ayunan ito ng lahat ng kagawad. Ang mga nasabing proyekto ay ipinaliwanag naman ni Lorna Devera na hindi niya ito maaring ipitin sa dahilang kontraktor ang dapat magbayad sa mga trabahador at hindi sila, dahil sila ang may kontrata at siya ay tresorera lamang sa nasabing Barangay. Sinabi naman ni Barangay Captain Tomas Policarpio ng Barangay Bigte Norzagaray Bulacan, ang nasabing proyekto ay aprubado at sinang-ayunan ng 8 kagawad at isang SK, sa katunayan sa loob ng tatlong magkakaibang petsa na isinagawang session at resolution na may petsang September 3, September 17, September 24, 2007 ay napag-kasunduan na bayaran ang mga nasabing proyekto sa dahilang ito ay "UNDER STATE OF CALAMITY." At may detailed coast mula estimates ng Office of the Municipal engineer na ang proyekto ay: Repair of Bridge approach at sitio looban item No. Spl-1 Description: Repair of Bridge na may lagda nina Ronald Allan C. Palad Project Inspector, Zeus P. Borja Municipal Engr. at ng Municipal Mayor Feleciano P. Legaspi. Kaya dapat lamang na bayaran na ang kontraktor para mabayaraan na rin ang mga mangagawa at wala namang iregularidad na transakyon sa nasabing project at pakiusap na alisin na ang pamumulitika sa nasabing Barangay, ani pa ni Policarpio. Para naman kay Mr. Cafgu 59th IB Sampaloc Rizal, ito ang paliwanag ni Major Rolly Dumawa Deputy PIO ng Phil. Army: Hindi po suweldo ang inyong tinatangap bagkus ito po ay allowances lamang sa dahilang kayo po ay hindi regular na miyembro ng Phil. Army (Paramilitary) lamang at ang kanilang duty ay every other day, depende ayon sa pangangailangan ng bawat divison. Kaya ito ay nagkaroon ng pagkaka-delay at asahang nationwide ang epekto sa kanilang sahod dahilan sa computerization at isinasailalim sa Modernization, na dati ay hardcopy to Electronic copy para maisaayos ang talaan ng lahat ng mga Cafgu sa buong Pilipinas maging ang kanilang tinatanggap na allowances, maaring sa susunod na mga araw ay kanila nang matatangap na walang problema. Sa mga nag-text po at nag-e-email po sa inyong lingkod, kung ayaw ninyong ilabas ang inyong buong pagkatao kayo na po ang magbigay ng alyas subalit paki-bigay po ang inyong kumpletong pangalan at address para na rin po sa kapakanan ng bawat panig ng nagrereklamo at nagsusumbong gayundin sa inyong lingkod.
|
|