|
May magandang lead
nang tinutumbok ang mga awtoridad sa pag-ambush kay Lumban, Laguna
Vice Mayor Zaldy Raga.
Ito ang inihayag ni
Laguna Provincial Police Office Director, Police Sr. Supt. Felipe
Rojas Jr., matapos namang ilabas kahapon ang artist sketch ng mga
suspek sa pamamaslang base sa testimonya ng mga hawak na testigo sa
krimen.
Ayon kay Rojas,
inilarawan ang suspek na may 5’6"-5’7" ang taas, na
edad 30-35; may kaitiman at nakaitim na sombrero at jacket.
Isang Special Task
Group na Task Force Raga na aniya ang itinatag ng Laguna PNP na
siyang tumututok sa agarang pagresolba sa kaso sa pamumuno ni
P/Supt. Fausto Manzanilla Jr.
Sa kasalukuyan,
malakas naman aniya ang anggulong pulitika na pangunahing motibo ng
pagpatay.
Samantala, nabatid na nag-aalok na si
Laguna Governor Teresita Lazaro ng P.2 M reward para sa sinumang
makapagbibigay ng impormasyong magreresulta sa pagkakasakote sa mga
salarin. |