|
TAAL, Batangas --- Kalunos-lunos
ang sinapit ng isang may diperensya sa pag-iisip na dalaga na sa
kabila ng kapansanan nito ay hinalay habang nakabaon sa buhangin
kamakailan.
Sa kabila ng
kapansanan sa utak ay idinetalye ng biktimang itinago ni Chief Insp.
Crod Maranan, police chief, sa pangalang Aloha, ang panghahalay dito
ng arestadong si Teodoro Ilagan, 43, may-asawa, tricycle driver, no
1. sa listahan ng mga ‘most wanted’ sa bayang ito.
Sa pamamagitan ng
muwestra ay sinabi ni Aloha na bandang alas-7:00 ng gabi noong Mayo,
naglalakad umano ito sa isang lugar nang hintuan ng biktima at
sinabing ihahatid siya sa kanilang bahay subalit sa isang resort
siya dinala.
Diumano pa, gumawa ng
hukay ang suspek kung saan magkasama silang pumasok at sinabing
kunwari’y prinsepe at prinsesa silang nakulong sa malalim na hukay
subalit doon ay paulit-ulit siyang hinalay at binantaang papatayin
kung magsusumbong.
Gayunman, napansin ng ina ng biktima
ang mga pasa sa katawan ng anak at nang tanungin ay napilitang
magtapat kaya dumulog ang pamilya nito sa pulisya na ikinadakip ng
suspek. |