|
CARRANGLAN, Nueva
Ecija --- Nasa malubhang
kalagayan ngayon ang isang fan ni Pambansang Kamao Manny Pacquiao
makaraang saksakin ng nakatunggaling kainuman sa pagdedepensa sa
idolo kamakalawa ng gabi sa Litsunan sa Kubo-kubo sa Bgy. Joson sa
bayang ito.
Sa ulat ni P/Sr.
Insp. Angelito Ramos sa tanggapan ni P/Chief Insp. Alexander
Mariano, chief ng Nueva Ecija Police Intelligence and Investigation
Branch, kinilala ang biktima na si Marson Ventura Segundo na
kasalukuyang nasa isang ospital sa San Jose City.
Sa imbestigasyon ni
SPO1 Benedicto Corpuz, alas-siyete ng gabi, kainuman ni Segundo si
Jeffrey Simbullo Felipe, 31, at isa pa nang mapadako ang kuwentuhan
sa magiging laban ni Pacman kay Marco Antonio Barrera, na
tinaguriang laos ng biktima.
Sa gitna ng mainitang
pagtatalo ay napikon si Felipe at hinugot umano ang nakasukbit na
patalim at sinakyod ang biktima.
Kasalukuyang nakakulong ang salarin
at kinasuhan na ng frustrated homicide. |