|
Kapwa nasawi ang
isang 60-anyos na ginang at baldadong dalagang anak nito makaraang
umano’y uminom ng nakalalasong kemikal kamakalawa sa Laoag City,
Ilocos Norte.
Tinukoy ang hindi na
naisalbang sina Juanita Aguinalo at anak na si Nora, 37-anyos, kapwa
taga-Bgy. Cabungaan, sa nabanggit na siyudad.
Gayunpaman, patuloy
pa ang ginagawang pag-iimbestiga sa kaso matapos na umano’y
magpahayag ng pagdududa ang mga kamag-anakan ng mag-ina sa
pangyayari.
Nagtataka diumano ang
mga kaanak partikular sa kaso ng anak na dalaga ng ginang kung paano
ito nakainom ng lason gayong hindi na umano ito nakakagalaw at
matagal nang nakaratay sa kanyang wheelchair.
Malaki umano ang hinala ng mga ito na
posibleng ang matandang Aguinaldo mismo ang nagpainom ng lason sa
anak at saka ito lumaklak din ng ‘di pa natutukoy na nakamamatay
na kemikal. |