|
Simula sa Oktubre 25,
sisimulan na District Court of Eastern Virginia sa Richmond, USA ang
paglilitis kay Fr. Rodney Lee Rodis sa kasong pagbulsa umano ng
tinatayang $1 milyon na pondo ng kanyang dalawang parokyang
pinagsilbihan.
Ang 51-anyos na
Pilipinong pari ay kasalukuyang nakapiit sa Central Virginia
Regional Jail sa Orange habang hinihintay ang kanyang pagharap sa
sala ni District judge Richard L. Williams.
Kung mapapatunayang
guilty, makukulong ng 20 taon sa bawat isa sa 13 na kasong isinampa
laban sa kanya.
Nag-ugat ang mga
kasong isinampa sa kanya nang pagnakawan niya umano ang pondo ng St.
Jude Catholic Church sa Mineral at Immaculate Conception Church sa
Bumpass, na parehong nasa ilalim ng Diocese of Richmond.
Inihain ang kasong
"State of Virginia versus Rodney Rodis" sa Federal
District Court sa isang arraignment noong Sept. 6 kung saan naghain
ng not guilty ang pari sa walong asunto ng mail fraud, dalawa sa
wire fraud at tatlo sa money laundering. |