TINANGGIHAN na ni Mother Lily ang alok ng Startalk ng GMA-7 upang maging bahagi ng show simula sana nga­yong araw na ito.

Umani kasi ng papuri at katuwaan ang pag-upo ni Mother sa Don’t Lie To Me! segment ng Showbiz Central last Sunday, kung saan tawa nang tawa ang tao sa pag-amin niya at na-touch naman ang marami nang ihayag niyang mas pinaboran pa niya ang alagang artista kesa sa mga anak niya.

No wonder, tinalo ng SC ang kalabang The Buzz sa ratings last Sunday, huh!

“Ayoko nang mag-guest! Kung alam lang ninyo ang dahilan ng guesting ko sa show, maloloka kayo! Ha! Ha! Ha!” kuwento ni Madera sa amin.

Si Mother sana ang balak ipalit ng network kay Lorna Tolentino na umalis na sa show. Pero sorry na lang, hindi pumayag ang Regal produ na palitan si Lorna.

Unless may bago siyang pelikulang ipala­labas at ilibre ang trailers nito ng GMA, baka pumayag siya, huh!

Dahil sa magandang ratings pala ng Showbiz Central last Sunday, hitik na naman sa kontrobersya at intriga ang mapapanood this Sunday kahit hindi na guest si Mother Lily.

Uupo si Mark Anthony Fernandez sa Don’t Lie To Me, uupo si Antoinette Taus sa harap ng Central Jury at isisiwalat ni Sunshine Dizon ang katotohahan sa pagkakasakit niya!

***

Hindi na matutuloy ang pagdu-duet nina Chairman Bayani Fernando at Allan K nga­yong Sabado sa Celebrity Duets. Sa halip ay si JC Buendia ang makakasama sa production number ng Pambansang Ilong ng Pilipinas.

Two weeks ago pa inimbitahan ng show si Allan upang maka-duet ni BF. Eh, two Saturdays ding itong may out of town show, kaya hindi nag-swak ang schedules ng dalawa.

Kaso, nang naging libre si AK ngayong Sabado, binago naman ang kanta ni Chairman BF at hindi bumagay na ka-duet si Allan. So, nagkaroon ng changes sa ka-duet ng komedyante.

Knows na namin ang kakantahin nina JC at AK pero ayaw naming i-preempt ito kaya watch na lang ninyo ang episode ngayong Saturday ng Celebrity Duets.

Siyanga pala, simula naman bukas ay magiging semi-regular si Allan sa SOP. Gusto sana siyang gawing regular sa Sunday show ng GMA pero tumanggi siya dahil pag Sunday, day off niya sa work.

Kahit two Sundays lang ang day off niya, okey na ‘yon kay Allan para pagbigyan ang request ng GMA na maging bahagi siya ng SOP.

Bukod sa SOP, may All Star K si Allan with Jaya sa gabi. Masayang ibinalita ng EP ng game show na isa ang ASK sa mga shows ng GMA na nasa Top 30 shows ng bansa base sa nationwide ratings.

This Sunday, ang guests sa show na maglalaban sa isang milyong pisong premyo ay sina Gloc 9 at Ms Ganda; Kris Lawrenec at Chris Cayzer; Ram Chaves at Warren Antig; Eula Valdez at Bayang Barrios; Keane at Jan Nieto; Tutti and Kat of Sino Sikat; at Mocha and Hershey.

Ang K-illers ay sina Kuya Germs at Shalala.