Nabigong makubra ng mga lotto aficionados ang tumataginting na mahigit P102 milyong jackpot prize sa lotto draw kamakalawa ng gabi ng 6/49 super lotto ng Philippine Charity Sweepstakes Office (PCSO).

Bunsod nito ay inaa­sahang mas dadami pa ang mga mananayang pipi­la sa mga lotto outlets sa iba’t ibang panig ng bansa na mag-aagawan sa nasabing premyo.

Nabatid na ang kumbinasyong 25-34-46-08-29-47 na may katumbas na P102,522,762.00 ay hindi nakuha ng sinuman sa mil­yong mananaya.

Dahil dito, inaasahang sa susunod na lotto draw sa darating na Linggo ay da­dagsain ng maraming ma­na­naya ang mga lotto outlets na sigurado nang mas lalaki pa sa P102 mil­yon.

Kahapon sa pag-iikot ng Abante ay usap-usapan pa rin ng mga lotto aficionados ang nasabing mala­king premyo kung saan nangako ang mga itong paghahandaan ang darating na Linggo upang abangan ang mu­ling bola ng lotto.

Sinabi naman ni PCSO spokesman Larry Cedro, pawang minor pri­zes lamang ang mga napanalunan ng mga mananaya sa ginawang electro­nic draw kamakalawa.