Dear Dra. Holmes:

Hi doktora, sobrang bother ako sa mister ko. 2 buwan palang kaming kasal pero bihira na kaming mag sex. 28 years old palang po ako at 32 naman sya. Madalas nya akong tanggihan, pero lagi ko syang nahuhuling nag mamasturbate sa c.r. at halos araw-araw nanunuod sya ng bold pero d kami nagtatalik. Normal b ito? Buti sana kung d ko alam na mahilig sya sa mga kinky sex. Nahuli ko na rin po syang nakikipag sop sa ibang babae.

Hanggang ngayon naghahanap parin po ako ng sagot dahil d ko matanggap ang sitwasyon. Sana matulungan nyo ako. Salamat po, Cecile.

Dear Cecile:

Hindi normal ang kilos ng asawa mo. Dalawang buwan lang kayong kasal at bihira na kayong mag sex? At kahit ikaw ang nag-imbita ay tinatanggi ka lang niya? Ang mga kilos na yan ay sapat nang basehan para mag insist ka na mag-uusap na masinsinan. Sana rin ay “No holds barred” ang inyong pag-uusap: walang taguan, sinasabi ang lahat, kahit sino ang masaktan.

Kung hindi siya pumayag ng ganitong klaseng pag-uusap, o kung pumayag siya pero hindi naman siya cooperative habang nag-uusap kayo, sana ay i-mungkahi mo sa kaniya na pumunta kayo sa isang therapist na makakatulong sa iyo.

Pero kung parang ayaw niyang gawin ito, sana, dearest Cecile, ay iwanan mo siya. Ayon sa kaniyang kilos, may problemang sikolohikal ang iyong asawa.

Hindi ko sinasabing iwanan mo siya dahil mayroon siyang problemang sikolohikal. Okay lang yon. Marami sa atin ay may problemang sikolohikal.

Iwanan mo siya dahil:

1. Hindi niya inaamin na mayroon siyang problema;

2. Mas mahalaga sa kaniya ang kaniyang mga ginagawa kaysa sa iyo.

Pasensiya ka nalang, dearest Cecile. Alam ko nakaka-shock siguro ang aking payo na iwanan siya kung hindi siya magpakatino, ipaliwanag sa iyo ang kaniyang mga damdamin, at tulungan ang sarili niya.

Dalawang buwan lang kayong kasal. Mahirap siyang iwanan dahil akala mo ito na ang lalakeng magiging kasama mo hanggang kayo ay tumanda.

Pero, Cecile, mabuting gawin mo na ngayon kaysa tumagal kayong kasal at hindi rin niya gagawin ang kailangan para maayos ang sarili niya. Kung mahirap maghiwalay ngayon, dahil 2 buwan na kayong kasal, mas lalong hihirap pa kung 2 taon, 2 dekada kayong kasal, dahil hinihintay mong magbago siya. Hindi siya magbabago, Cecile, hanggang matanggap niya na may sakit siya. Ang sakit na ito ay tinatawag kong Paraphilia Related Excessive Pornography Watching (PREPW). Ipapaliwanag ko ito sa Lunes, December 1, 2008.

Alam mo naman siguro na bihira kong sinasabing maghiwalay ang magasawa. Pero dito, sa kaso mo, klarong-klaro, Cecile na ito ang dapat mong gawin. TO BE CONTINUED

***

Si Dra. Holmes ay resource person sa Umagang Kay Ganda (UKG) tuwing Martes sa ABS CBN. Siya rin ay sumusulat sa Abante tuwing Lunes, Miyerkules at Biyernes Tonite at sa Abante Tonite tuwing Martes at Huwebes. Sulatan siya sa kaniyang website www.margaritaholmes.com Ikinalulungkot niya na hindi niya kayo masagot nang personal.