LIMA, Peru --- Kalbo at mas matanda kaysa sa Incas, ang Peruvian hairless dog ay tila hindi nababagay para sa White House.

Gayunpaman, tumugon lamang ang mga Peruvian sa kagustuhan ni Presi­dent-elect Barack Obama para sa isang hypoallergenic breed dahil sa allergies ng kanyang anak na si Malia, at sinabing ang dark, rough-skinned pooch na may malaking tainga at matulis ang nguso ang siyang solusyon.

Sa kanyang unang post-election news conference nitong Biyernes, sinabi ni Obama na ang pagpili ng ala­gang aso para sa kanyang dalawang anak na babae ay isang malaking isyu.

“It has to be hypoallergenic. On the other hand, our preference would be to get a shelter dog, but a lot of shelter dogs are mutts like me,” anang president-elect.

Bunsod nito, tumugon ang Friends of the Peruvian Hairless Dog Association nitong Lunes, nagpadala ito ng sulat sa U.S. Embassy sa Peru na inaalok ang Obama family ng 4-buwang gulang na tuta na tumutugon sa “Machu Picchu”, ang pa­ngalan ng tanyag na Inca cita­del ng Peru.

“My family also has suffered from...not being able to have a pet because my son and I are asthmatic, so we thought it would be ideal for him (Obama) to have a dog like ours,” ayon kay association president Claudia Galvez.