|
Kukumpletuhin ng
Henkel-Sista at Toyota Balintawak ang semis cast sa kanilang
magkahiwalay na laro sa quarterfinal round ng PBL Unity Cup sa
Olivarez Sports Center ngayon.
Ang Super Sealers, na
tila nakakuha ng kumpiyansa sa nakaraang laro, ay sasabak kontra San
Miguel-Magnolia sa alas-kuwatro ng hapon, habang ang Roadkings, na
magtatangkang muling makatapak sa finals, ay haharapin naman ang
hamon ng delikadong Burger King sa ika-2 ng hapon.
Dahil sa pagtapos na
pangatlo at pang-apat sa two-round elims, ang Super Sealers at
Roadkings ay nakahablot ng twice-to-beat advantage -- na ibig
sabihin, isang beses lamang nila kailangang talunin ang kalaban para
makaabante sa Final Four.
Ang Super Sealers ay
dalawang sunod nang tinalo ang Beverage Masters, salamat sa
pagdating ni Fil-Am guard Ryan Reyes na siyang naging ‘messiah’
ng koponan.
Sapul nang lumaro ang
6-foot-1 na si Reyes sa Henkel-Sista, nagbago ang ihip ng hangin sa
Super Sealers, kung saan nagawa nitong manalo ng apat sa huling anim
na laro, at tumapos na pang-No. 3 (6-6 win-loss card).
"He’s a
perfect guy for us because he can shoot, defend and provide the
leadership on the court," komento ni Henkel-Sista coach Caloy
Garcia patungkol kay Reyes.
Si Reyes ay may 18
points sa unang tatlong laro nito.
Gayunpaman, hindi pa
rin magkukumpiyansa si coach Garcia sa Beverage Masters.
"There’s no
guaranty that we can beat Magnolia again. Magnolia is a tough
team," ani Garcia. "If we can play better than our
previous two games, then we have a good chance of winning."
Ang Beverage Masters,
na napanalunan ang kumperensiyang ito may dalawang taon na ang
nakalilipas nang gapiin ang Rain or Shine, ay kagagaling lamang sa
impresibong 93-84 win kontra Dazz sa kanilang knockout match noong
Sabado.
Ayon kay Magnolia
coach Koy Banal, ikinundisyon ng kanyang mga manlalaro ang
kakayahang talunin ang Dazz at iyon nga ang nangyari.
"We have faith
in ourselves that’s why were able to hurdle Dazz. We hope we can
do it again," wika ni Banal.
Ang Rey Pben-owned
Roadkings ay tinalo na ang Whoppers sa unang pagkikita, pero
rumesbak ito noong Sabado.
Talo ang Roadkings sa
huli nitong tatlong asignatura sapul nang bumalik si last year’s
MVP Joe Calvin Devance, na halatang ‘overweight.’
Gayunpaman, tiwala si Toyota coach
Ariel Vanguardia, na makakabawi na si Devance. |