ADS 

Piolo, saludo sa tapang ni Ogie!

Rey Pumaloy

SALUDO si Piolo Pascual kay Ogie Alcasid dahil sa ginawa nitong pag-amin na hiwalay na sila ni Michelle Van Eimeren, at mahal na mahal nito si Regine Velasquez.

Sa interview namin kay Piolo sa presscon ng Paano Kita Iibigin?, sinabi niya na sobra ang bilib niya kay Ogie, dahil hindi ito natakot na ilagay ang sarili sa alanganin, lalo na ang kanyang career. Matapang nga raw si Ogie.

Pero, aminado si Piolo na baka makaapekto sa resulta ng Paano Kita Iibigin? ang pag-amin nina Ogie at Regine sa relasyon nila.

Pero siyempre, mas concern si Piolo sa sitwasyon ni Regine ngayon. Na baka nga mag-iba ang tingin sa kanya ng mga tao.

Sabi pa ni Piolo, suportado niya si Regine sa pagmamahal nito kay Ogie. At giit niya, hindi nagbago ang mataas na pagtingin niya kay Regine ngayon.

Wala rin daw siyang sama ng loob kay Ogie dahil sa ginawa nitong pag-amin sa pagmamahalan nila ni Regine.

"Si Regine kasi, kahit mina-migraine na siya, hindi mo siya maririnig na nagrireklamo. Kung tutuusin, puwedeng-puwede siyang magpahinga o mag-request na itigil muna ang shooting, pero hindi niya ginawa.

"Sobra ang pagiging humble ni Regine. Pantay-pantay ang tingin niya sa lahat ng tao, kahit sa maliliit na staff.

"She’s Regine Velasquez, and she’s a diva, pero never siyang nagpaka-diva sa shooting," pahayag ni Piolo tungkol kay Regine.

Asam na lang ni Piolo na hindi titingnan ng mga tao ang sitwasyon nina Regine at Ogie ngayon, bagkus ay ang kagandahan ng pelikula nila ang mas makita.

Ipinagmamalaki nga niya na maganda ang pelikula nila ni Regine, kaya hindi ito dapat palampasin ng mga tao.

Siyanga pala, nakapag-taping na si Piolo ng Pinoy Pop Superstar sa GMA 7, pati na sa Mel & Joey, at Sis. Live naman siya na magi-guest sa Showbiz Central sa Sunday.

***

Matapos ang ilang buwan ding suspension kay Inday Garutay, nakabalik na ang komedyante sa paghu-host sa Klownz at Zirkoh Comedy bar.

Lumabas ang balita noon na sinuspinde siya sa naturang comedy bars dahil sa ginawa raw niyang pangungutya kay Tito Sotto sa isang kampanya ng Genuine Opposition.

Sa kaso ni Allan K, ang may-ari ng Klownz at Zirkoh, wala siyang sinabi tungkol dito. Pero tapos na nga ang kung ano mang intriga, dahil balik-trabaho na ulit si Inday.

<BACK