|
Dalawang nanalong
mayor sa Metro Manila ang naiproklama na kahapon ng Commission on
Election sa katauhan nina kahapon sina Makati Mayor Jejomar Binay at
Rep. Benhur Abalos bilang bagong mayor ng Mandaluyong.
Dakong alas-6:00 ng
umaga nang iproklama si Binay ni Atty. Shiela Roxas, election
officer ng Comelec sa loob ng Makati Coliseum na kung saan naganap
ang bilangan. Si Binay ay nakakuha ng kabuuang botong 198,814
samantalang ang kanyang kalaban na si Sen. Lito Lapid ay 22,462
lamang.
Kasabay nito,
pinanumpa rin ang nanalong bise alkalde ni Binay na si Ernesto
Mercado, gayundin ang mga nanalong kongresista ng lungsod na sina
Teodoro Locsin para sa unang distrito at si Atty. Abigail Binay,
anak ng mayor, para sa ikalawang distrito ng Makati at iba pang
nanalong bagong opisyal ng lungsod.
Samantala,
iprinoklama ng Comelec si Abalos bilang bagong mayor ng Mandaluyong
City.
Si Abalos, anak ni
Comelec Chairman Benjamin Abalos ay nakipagpalitan ng puwesto kay
Mayor Neptali Gonzales 11 na siyang nanalo naming bagong kongresista
ng nasabing lungsod.
Di pa napo-proklama
Ang mga hindi pa
naipo-prokalama na sigurado at inaasahang mga winners na batay na
rin sa unofficial partial tally sina Senator Alfredo Lim bilang
bagong mayor ng Manila;sa Marikina City, muling bumalik sa
pagka-alkalde si Maria Lourdes Fernando;sa San Juan, nakatakda nang
iproklama ng Comelec si re-electionist Mayor Joseph Victor Ejercito,
anak ni dating Pangulong Joseph Estrada; sa Muntinlupa, si Aldrin
San Pedro;Virgilio ‘Nene’ Aguilar ng Las Piñas ; Sherwin
Gatchalian ng Valenzuela City; Parañaque Mayor Florencio Bernabi ng
Parañaque, Malabon Mayor Canuto Oreta; Taguig Mayor Freddie Tinga,
Quezon City Mayor Feliciano Belmonte; Navotas Mayor Toby Tiangco.
Samantala mahigpit pa
rin ang karera sa saa Pasig, sa pagitan nina Reb. Robert ‘Dodot’
Jaworski at Councilor Robert ‘Boboy’ Eusebio, anak ni Mayor
Vicente Eusebio, kuyng saan ungos ang huli; sa Pasay sa pagitan nina
suspended Mayor Peewee Trinidad at Cong. Conniee Dee at sa Caloovan,
sa pagitan nina Recom Echiverri at Boy Asistio. |