Sa ngalan ng pag-ibig, isang kilalang kandidato ni Pangulong Gloria Macapagal-Arroyo ang nandaya sa bilangan para sa kanyang minamahal, kasabwat ang isang ka-tropa sa fraternity.

Bagama’t napakaruming maglaro sa pulitika ng kilalang kandidato, hindi maiwasang matawa ni Mang Teban dahil napaka-obsessed nitong madikit ang kanyang pangalan sa karelasyon.

Ang rason, pinuwersa ng kilalang kandidato ni Mrs. Arroyo na malagay sa No. 2 spot ang kanyang pangalan sa final tally ng isang lalawigan sa Norte, kabuntot ng kandidatong karelasyon na nag-no.1 doon.

Tanging nakalulungkot, dalawang kasamahan ng karelasyong kandidato ang nabawasan ng boto, as in tinapyasan upang mailipat sa kilalang kandidato ni Mrs. Arroyo.

Kung hindi nakialam sa bilangan ang ka-brod sa fraternity ng kilalang kandidato ni Mrs. Arroyo, tatapos sa No.2 at No.3 spot ang dalawang (2) kasamahang kandidato ng karelasyon nito kung saan kakarampot lamang ang agwat ng bawat isa.

Dahil in love ang kilalang kandidato ni Mrs. Arroyo, nagawa nitong patapyasan ng 6 na libo ang 12 libong nakatala sa No.2 candidates habang 2 libo ang ibinawas sa No.3 candidates kung saan kinasangkapan ang isang incumbent Congressman na ka-brod nito.

Sa final tally sa lalawigan, nalaglag sa Top 5 ang No.2 at No.3 candidates matapos matapyasan ng humigit-kumulang 8 libong boto ang dalawa (2) habang umakyat ang kilalang kandidato ni Mrs. Arroyo sa No.2 at lomobo ang kalamangan ng karelasyong kandidato sa No.1.

Pintahan n’yo na: May letrang "M" si Congressman mula sa dulo ng Northern Luzon habang ang dalawang (2) kandidatong na-operate ay meron initial na "P at C." Ang kilala namang kandidato ni Mrs. Arroyo ay deklaradong balimbing habang ang karelasyong kandidato’y napakaiyakin. Kapwa may letrang "A" sa apelyido ang magsing-irog.

<BACK