Hindi malaman kung ilusyon o totoo nga ang madalas na ibinibida nitong Kongresistang may edad na ukol sa kanyang karanasan umano sa mga babae noong panahon ng kanyang kabataan.

Sa mga kuwento kasi ng kongresista, tila gusto nitong palabasin na siya’y habulin ng mga babae at marami siyang natikman gayong kung titingnan ang kanyang panlabas na itsura ay hindi naman kaganda­hang lalaki.

Nakarating kay Mang Teban, na tuwing nakiki­pagkuwentuhan umano ang kongresista ay wala itong bukambibig kundi ang kanyang mga na­ging babae noong kanyang kabataaan at ibinibida pa kung ano ang kanilang mga ginagawa.

Kaya tuloy minsan ay gusto na itong layasan ng kakuwentuhan dahil nalalaswaan na sa mga lumalabas sa bunganga nito na hindi na nababagay sa estado ng kanyang edad.

Ngunit may ilan naman itong nakuwentuhan na natatawa na lamang dahil sa tingin nila ay imahinasyon na lamang ng kongresista ang mga kuwento nito dahil wala naman sa kanyang itsura para habulin ng mga babae.

Bukod dito, hindi naman ito mapera.

Pintahan n’yo nito: Mula sa Visayas region na isa sa madalas tamaan ng kalamidad ang kongresistang ito.