NEW YORK --- Pinagbabayad ng $57.6 million para sa real estate taxes ang mga pamahalaan ng India, Mongo­lia at Pilipinas, matapos magbaba ng desisyon ang federal judge dito na ang diplomatic privilege ay hindi nag-e-exempt sa mga bansa para balikatin ang obligasyon ng mga ito.

Ang kautusan ay ipinalabas noong Lunes ni US District Court Judge Jed S. Rakoff, kung saan ang kautusan ay umabot na sa Supreme Court dito.

Sa international treaties, nakasaad na sovereign territory ang mga konsulada at embahada kaya’t puwede silang hindi magbayad ng buwis, gayunpaman, binigyang diin ni Rakoff na ang tahanan lang ng head of mission ang kuwalipikado rito, base na rin sa Vienna Convention on Consular Relations at Vienna Convention on Diplomatic Relations.

Ang India ay pinagbabayad ng $42.4 million buwis para sa 26-story tower nito malapit sa United Nations, $4.3 million buwis para sa 6-story building ng Mongolia at $10.9 million buwis para naman sa building ng Pilipinas sa Fifth Avenue na may commercial tenants tulad ng restaurant, bangko at airline office.