Babalatan din sa Mababang Kapulungan ng Kongreso ang umano’y mga katiwalian sa Presidential Commission on Good Government (PCGG) kasali na rito ang paglustay ng umaabot na sa $3.5 milyon (P150 million) na pinambayad sa mga law firms upang hadlangan ang class suit ng mga Marcos victims at ang junket trip ng ilang empleyado at kamag-anak ni PCGG Chairman Camilo Sabio.

“Nag-request na ang Claimants 1081 kay Akbayan Rep. Risa Hontiveros-Baraquel na mag-file ng resolusyon para sa agarang pag-imbestiga sa mga ginastos ng PCGG sa mga American lawyers at ang anomalous practices ni Mr. Camilo Sabio at ng kanyang junket gang,” ani da­ting Akbayan Rep. Loreta Ann Rosales, chairperson ng Claimants 1081 at chair emeritus ng Akbayan.

Sa pakikipagharap nito sa isang press briefing sa Bantayog ng mga Bayani sa Quezon City, hiningi din ng nasabing organisasyon ang pagbibitiw ni Sabio bilang PCGG chairman.

“O sundin na lamang ni Sabio ang ginawa ni da­ting Commission on Elections chairman Benjamin Abalos,” ani Rosales.