Umabot na sa iba’t ibang bahagi ng mundo ang paglabag sa karapatang-pantao ng kasalukuyang administrasyon dahilan upang makilala nang husto si Pangulong Gloria Macapagal-Arroyo.

Ito ang isinisigaw ng ilang grupo na patuloy na naghahanap ng hustisya sa mga biktima ng human rights violations sa ilalim ng administrasyong Arroyo.

“Mrs. Arroyo’s watch is being heard and echoed around the world. The Arroyo administration has been put on the defensive since 2006 and more so in 2007 as international censure forced it to account for its human rights record,” ayon sa Philippine UPR Watch.

Iginiit ng mga ito na sa kabila umano ng nasabing mga paglabag ay walang ginagawa ang pamahalaan para mapigilan ang political killings at pagkawala ng mga aktibong kumakalaban sa pamahalaan.