MALAKI ang maitutulong ni FLT Films producer Rose Flaminiano sa legal problems ni Gabby Concepcion dahil siguradong gagawin niya ang lahat para makabalik ng Pilipinas ang aktor.

Si Mommy Rose na ang mana­ger ni Gabby. Ayon sa ba­lita na nakarating sa amin, pumirma na si Gabby ng managerial contract kay Mommy Rose na pumunta pa sa San Francisco para personal sila na magkausap.

Reportedly, pelikula sa Star Cinema ang isa sa mga ipinangako ni Mommy Rose kay Gabby.

Pero bago pa nagka­usap ang dalawa, nakapirma na si Gabby ng kontrata sa GMA Films.

Kahapon, nakumpirma namin ang balita na out na si Gabby sa pelikula ng GMA Films na kukunan sa Europe at pagsasamahan nila ni Jolina Magdangal.

Diumano, ibang pro­ject na lang ang ibibi­gay kay Gabby ng GMA Films at naghahanap sila ng ibang actor na makakapareha ni Jolina.

Si Mr. Jun Magda­ngal ang aming unang naisip nang marinig namin ang balita dahil ma­laki ang participation niya para mapapayag si Gabby na gumawa muli ng pelikula. Imposibleng hindi na-disappoint ang tatay ni Jolina sa latest development na nangyari kahapon.

Susubukan namin na kunin ang panig ni Mommy Rose tungkol sa pagkawala ni Gabby sa cast ng GMA Films project. Itatanong namin sa kanya kung totoo na mara­ming demands si Gabby kaya hindi na matutuloy ang team-up nila ni Jolina.

Sa pagkakaalam namin, may written contract si Gabby at ang GMA Films na gagawin niya ang kanyang comeback movie sa nabanggit na movie outfit kaya malabo ang posibilidad na gumawa siya ng pelikula sa Star Cinema.

***

Natawa si Cherry Pie Picache nang sabihin ni Rufa Mae Quinto sa presscon ng Manay Po 2 Overload, na idol siya ng comedienne. Na pinanood ni Rufa Mae ang mga pelikula ni Cherry Pie noong hindi pa siya artista.

Pangarap ni Rufa Mae na maging drama­tic actress tulad ni Cherry Pie at mangyayari raw ito kapag nagsawa na ang mga tao sa kanyang pagpapatawa.

Baby-maker ang role ni Rufa Mae sa Manay Po 2 at siya ang pag-uumpisahan ng kaguluhan sa buhay ng pamilya ng karakter na ginagampanan ni Cherry Pie.

***

Bumilib kay Dingdong Dantes ang manufacturer ng Medicol dahil kumpleto ang kaalaman niya tungkol sa gamot na kanyang ini-endorso.

Alam na alam ni Ding­dong na P3.10 ang suggested retail price ng Medicol at ito ang pinakamura ang presyo sa hanay ng gamot sa sakit ng ulo.

Natuwa si Dingdong nang siya ang mapili na endorser dahil bata pa lang siya, ang Medicol ang gamot na iniinom niya kapag masakit ang kanyang ulo.

Incidentally, ipinakita kay Dingdong ni Ka Alfie Lorenzo sa presscon ng Medicol ang DVD copy ng isang sex scandal na ginamit ang kanyang litrato at pa­ngalan.

Hindi sumakit ang ulo ni Dingdong, bagkus ay natawa pa nang makita niya ang DVD na may pamagat na The Dingdong Dantes Sex Scandal dahil fake ito.

***

Matindi pa sa mga showbiz controversy ang eskandalo na kinasasangkutan ng mga tao na madalas nating nababasa ang mga pangalan sa mga society column at events dahil sa expose ni Brian Gorrell, ang Australian natio­nal na umamin na HIV positive at ginagantihan ang kanyang Filipino lover na ina­akusahan niya ng pagnanakaw (US$70,000).

Explosive ang mga rebelasyon ni Brian sa blogspot nito kaya nakapagtataka na tila wa­lang ginagawang paraan ang mga inaakusahan niya ng panloloko para mahinto ang pag-circulate sa internet ng kanyang mga kuwento.

Maraming kaibigan na artista ang mga sangkot sa eskandalo. Hindi nakakagulat kung masangkot ang kanilang mga pangalan sa future revelations ni Brian.

Sa recent blogpost ni Brian, sinabi nito na hinahanap na siya ng media (na gustong mag-interbyu sa kanya):

“The media is starting to track me down. Stop this dear before it gets too big for either __ or myself.

I will continue this blog until he pays me back. I have been approached by different media outlets for my story. I am prepared to go all public with this.”

***

Comments are welcome at jojogabinete@yahoo.com.