BAGO tuluyang inilibing ang abo ni Francis Magalona nung Miyerkules ng umaga sa Loyola Park sa Marikina City, paulit-ulit na ibinulong ni Maxene Magalona ang mga katagang ‘I Love You, Papa’.

“Sinabi ko pa sa kanya na I will miss him, and I will try my best to accept this, so that I could be strong, be there for my mom, help my mom so does with my brothers and sisters in this very difficult time,” sabi pa ni Maxene.

Nag-usap na ba sila ng mga kapatid niya sa mga plano nilang gawin ngayong wala na ang papa nila?

“Lagi naman kaming nag-uusap. Nung nandito pa si papa, lagi niyang sinasabi sa amin na huwag kaming mag-away, dahil nasasaktan si mama pag nag-aaway kami.

“Sana hindi na kami mag-away na magkakapatid. Sana, kung ano ‘yung nangyari kay papa, may madudulot na mabuti sa aming pamilya.

“Na lahat kami magtulung-tulong in one love, ‘yun nga ang sabi ng papa ko. It starts with the family. Kung mahal ninyo ang isa’t-isa sa family ninyo, mas mabuti ‘yun pag lumabas ka na sa free world.

“Na pag nagtrabaho ka na, mas magiging mabuti kang Pilipino pag kaya mong mahalin ang sarili mo at ang pamilya mo ng buung-buo. Mamahalin mo ang bansa mo at ang kababayan mo na kapwa mo Pilipino,” sabi pa rin ni Maxene. (REY PUMALOY)

***

Plano ni Tita Annabele Rama na tulungan ang anak nina Francis at Pia Magalona na si Maxene Magalona. Sa pagkawala ni Francis, nangako siyang kukunin si Maxene para magiging leading lady ni Richard Gu­tierrez sa next project nito.

Tulong nga raw niya ‘yon sa anak ni Kiko, dahil nabalitaan niya na si Maxene raw ang nagpapaaral sa mga bunsong kapatid. ‘Yun nga lang, babaguhin ang image at ire-repackage si Maxene nang sa gayon, lumakas ang appeal nito sa tao.

Pero hindi lang si Bisaya ang tutulong sa Magalona siblings, huh! Isang senador din ang nangakong magpapaaral sa binatilyo nina Pia at Kiko na si Elmo!

See, nawalan man ang Magalona kids ng tatay, ang magandang pakikitungo niya sa showbiz ay nasuklian ng tulong mula sa mga taong naging bahagi ng buhay at musika niya. (JUN NARDO)