Nakikiusap si Marky Cielo sa kanyang mga tagahanga na tigilan na ng mga ito ang pagkakalat ng tsismis na may gay lover siya. Sabi ni Marky, nahihiya na rin siya sa bading na diumano ay gay lover niya.

Alam ni Marky na ang naturang bading ang dahilan kung bakit naga­galit sa kanya ngayon ang mga tagahanga niya. Sabi kasi ng mga fans, mas pinahahalagahan ni Marky ang bading kesa sa mga fans niya.

“Tigilan na nila ang isyu, dahil nakakahiya sa tao na tinuturo nilang bading. Sa totoo lang, hindi naman siya ba­ding. Parang tatay ko na `yung tao. At hindi lang ako ang inaalagaan niya kundi halos lahat kaming mga taga-StarStruck.

“Siya ang madalas naming lapitan kapag may problema kami. Kahit itanong n’yo pa kina Katrina Halili at Iwa Moto.

“Kung mabait man ako sa kanya, `yun ay dahil ibinabalik ko lang `yung kabaitan niya sa akin.

“Sa mga fans ko, sana tigilan na nila ang tsismis. Dahil sa mga tsismis na `yon, nai-stress `yung tao na pinagbibintangan nila.

“Hindi siya dapat madamay sa intriga, pero idinadamay siya. Huwag naman po,” seryosong pakiusap ni Marky.

May mga tsismis na ang naturang tao ang dahilan kung bakit hindi niya maligawan ngayon si Glaiza de Castro?

“Gusto ko talaga si Glaiza. Maganda ang friendship namin. Masaya kami kapag magkasama, pero may mga priorities ako na gusto ko munang bigyan ng pansin. Gayundin naman si Glaiza,” sagot lang ni Marky.

***

Samantala, aminado naman si Lovi Poe na type rin niya si Jolo Revilla, pero hindi lang siya sigurado kung kailan niya ito sasagutin.

Sabi ni Lovi, wala pa sa isip niya ang pakiki­pagrelasyon. Bata pa raw siya at career muna ang iniisip niya.

“Ang sinabi ko kay Jolo, kung gusto niyang maghintay, okey lang. Kung hindi siya makakapaghintay, okey lang sa akin,” sabi ni Lovi.

Hindi naman itinatanggi ni Lovi na type niya ang pagiging ma­bait at generous sa kanya ni Jolo. Ayaw na nga lang niyang bulatlatin pa kung paano siya binu­busog sa pagmamahal ni Jolo.

Wala rin daw kinalaman ang image na playboy ni Jolo, kaya ayaw pa niya itong sagutin.

“Wala talaga. Hindi ako judgmental na tao. Gentleman si Jolo. Mares­peto siyang tao, lalo na sa mommy ko.

“Pero, hindi pa talaga ako ready sa relationship.”

May mga nagsasabi na baka mabuntis lang ni Jolo si Lovi?

“Hindi po mangyayari `yon. Kapag magkasama kami, kasama namin ang parents niya, at mga friends ko. At saka, may respeto siya sa akin.”
Wala rin daw dahilan para magtanan sila nang wala sa oras.

***

Tinalbugan ni Lance Raymundo ang ibang mga sikat na Filipino actors ngayon, dahil ipala­labas na sa Singapore ang episode ng Incredible Tales, na kung saan ay bida siya.

Makakasama ni Lance rito sina Juliana Palermo at Say Alonzo, at dinirek ni Jun Lana.

Hanggang ngayon nga ay hindi makapaniwala si Lance na nabig­yan siya ng ganitong break.

Kuwento ni Lance, tapos na ang audition para sa naturang role, at picture at profile lang niya ang pinadala nila ng manager niya, pero siya pa rin ang napili para sa naturang papel.

Kuwento ni Lance, ito ang unang pagkaka-taon na lumabas siya sa TV bilang artista. At sabi ni Lance, malaki ang naitulong ng mga stage play na ginawa niya kamakailan para magampanan niya ang ibinigay sa kanyang papel sa TV.

“Sa stage walang take 2. Sa rehearsal pa lang namin sa Incredible Tales, ibinigay ko na lahat, kaya nag-roll agad ang camera.

“Lahat ng scenes ko, take 1. Kahit `yung Singaporean producer, pumapalakpak after ng scenes namin.

“I’m so proud that I was able to give my best kahit wala akong experience sa TV acting.”