May natitira pang 16 na bagyo na malamang na mas malakas pa kay bagyong Frank ang inaasahang tatama sa bansa hanggang Disyembre.
Ito ang pagtataya ng Philippine Atmospheric, Geophysical and Astronomical Services Administration (PAGASA) kung saan dapat umanong mag-ingat ang publiko sa lahat ng pagkakataon.

Dahil dito, pinayuhan ng PAGASA ang publiko ng higit na paghahanda ang kailangang isaalang-alang ng mga ito upang makaiwas sa anumang peligro o epekto sa buhay at ari-arian ng mga bagyong papara­ting pa sa bansa.

Idinagdag pa ni Nathaniel Cruz, weather chief ng PAGASA, na dapat ding maging handa ang mga local government units (LGUs) sa mga darating pang bagyo o iba pang ha­zards na posibleng tumama sa bansa.