Sa hangaring pabanguhin ang imahe sa publiko, bilang paghahanda sa mas mataas nitong ambisyon sa pulitika, isang lady solon ang ‘namakyaw’ ng sim cards upang gamitin sa propaganda.

Hindi maiwasang matawa ni Mang Teban matapos madiskubreng namakyaw ng sim card ang lady solon, sa pamamagitan ng kanyang media handler o PR manager.

Ang rason, nais ng lady solon na makuha ang suporta ng mga adik sa text lalo pa’t tinaguriang ‘text capital’ ang Pilipinas kung saan mas madali nitong maiparating ang kanyang programa.

Sa pamamagitan ng text brigade, ipinapakalat ng lady solon ang mga pinagkakaabalahan sa lehislatura, kabilang ang pag-anunsiyo sa mga nilikhang batas kahit ibang solon ang may gawa ng batas.

Ang matinding revelation sa lahat, lantaran pang iniintriga ng lady solon ang mga posibleng katunggali sa eleksyon, sa pamamagitan ng pagpapakalat ng demolition job laban sa mga ito.

Isa sa pang-intrigang ginagawa ng lady solon, sa pamamagitan ng kanyang PR manager, ang alegasyong naiinggit ang mga kalaban ng mambabatas ngayong gumaganda ang imahe nito.

Pintahan n’yo na: Saksakan ng plastic ang lady solon. Ito’y merong letrang “A’ sa kabuuan ng pangalan at apelyido, as in, ang hilig sa matandang karelasyon.