 ANG
director’s first cut (work in progress) ng Adela ang opening
film ng Cinemalaya 2008 sa July 11 at gaganapin ito sa CCP Main
Theater.
Si Adolf Alix, Jr. ang direktor ng Adela at silang dalawa ni Noel
Ferrer ang mga producer ng project na nagbabalik kay Anita Linda
bilang lead actress ng pelikula.
Ibinalita sa amin ni Noel na imbitado ang Adela sa mga major
film festival sa ibang bansa.
“I am very proud po of this movie. Lahat po ng resources namin
(pati ‘yung kinita ng “Daybreak”) ay in-invest
po namin dito sa ADELA na tribute film po namin sa isang film great
na si Ms. Anita Linda.
“Paki-mention na rin po na ang mga kaibigan naming artista
ay sumuporta po dito namely: YCC Best Actor Jason Abalos, Golden
Screen Awards’ Best Supporting Actor Ricky Davao and Breakthrough
Actor Awardee Joem Bascon, Urian Awardee Iza Calzado and multi-awarded
actress Perla Bautista and film institution German Moreno --- lahat
respetado at award winning...ginawa po nila nang labor of love ---
para kay Ms. Anita Linda.
“Ang ADELA po ay kuwento ng isang babae na magdiriwang ng
80th birthday na hindi man lang nadalaw ng kanyang mga anak.
Ito po ay isang napaka-touching na obra tungkol sa pakikitungo natin
sa mga senior citizen --- dahil ‘di ba --- ang maganda raw
pong sukatan ng tunay na pag-usad ng bansa ay kung paano natin kalingain
ang mga matatanda?
“Sana po masuportahan niyo po ang ADELA at inaanyayahan
po namin lahat ng mga artista, direktor, kaibigan na nakasama ni
Ms. Anita Linda na sumama sa parangal na gagawin po sa kanya sa
July 11 sa CCP.
“I’m proud to have done ADELA. It’s a good food
for the soul,” ani Noel.
***
Baon ngayon sa utang ang isang aktor dahil nag-buhay milyonaryo
siya. Nang magkaroon ng regular TV show ang aktor, bumili siya ng
mga gamit pero hindi cash ang kanyang ibinayad.
Hulugan ang mga gamit na binili ng aktor. Sa kasamaang-palad, nakansela
ang kanyang regular TV show. Problemado ngayon ang aktor dahil hindi
niya alam kung saan kukuha ng pambayad sa kanyang mga utang.
Hindi na natuto ang aktor. Bumili rin siya noon ng mga mamahaling
gamit na hulugan. Nang hindi siya makabayad, ibinalik niya sa binilhan
ang mga gamit.
Kesa hindi makabayad ang aktor at makarating pa sa korte ang kanilang
problema, tinanggap na lamang ng pinagbilhan ang mga gamit na ibinalik
sa kanya.
***
May common denominator sina Amy Austria at Carmi Martin. Parang
hindi sila tumatanda. Mas maganda sila ngayon kumpara noong kabataan
nila.
Kung hindi kami nagkakamali, past forty na ang edad ni Carmi pero
hindi nalalayo ang kanyang itsura sa mga artistang babae na co-star
niya sa Ako Si Kim Samsoon.
Hindi kami personal na magkakilala ni Carmi pero noon pa namin naririnig
ang mga kuwento tungkol sa kanyang kabutihan at kababaang-loob.
Hindi siya nalalayo sa ugali ni Amy. Sa unang tingin, mukhang suplada
si Amy pero maraming beses na naming napatunayan ang kanyang kabaitan
at pagiging down-to-earth. Hindi siya katulad ng ibang artista na
user-friendly at mahirap lapitan.
Ang magandang ugali nina Amy at Carmi ang isang dahilan kaya good
karma sila at iginagalang ng kanilang mga nakakasama sa trabaho.
***
Comments are welcome at jojogabinete@yahoo.com.
|
