Kanya-kanyang paraan sa pagsipa sa bola sina Hassen Yebda ng Algeria at Carlos Bocanegra ng United States sa aksyong ito sa World Cup group C soccer match sa Loftus Versfeld Stadium sa Pretoria, South Africa. (AP Photo)

TEAM                     W   L
*Talk ‘N Text         15  3
San Miguel            12  5
Derby Ace             12  5
Alaska                    11  6
Ginebra                9   9
Coca-Cola              7   9
Rain or Shine         7   9
w-Sta. Lucia           5  12
Air21                       4  13
Barako Coffee       3  14

*-outright semis, No. 1
w-wildcard

Mga laro ngayon (Araneta Coliseum)
5 p.m. – Rain or Shine vs. Air21
7:30 p.m. – Sta. Lucia vs. Coca-Cola

May kanya-kanyang misyon ang apat na teams na sasalang sa final five games ng eliminations ng 2010 PBA Fiesta Confe­rence.

Pareho pa ring nakatanaw sa No. 5, ang huling silya sa outright quarterfinals, ang Rain or Shine at Coca-Cola.

Kipkip ng Elasto Painters at Tigers ang magkatulad na 7-9 win-loss cards, nakatingala sa 9-9 ng Barangay Ginebra. Okupado ng Gin Kings ang No. 5, pero posibleng akbayan ng isa sa RoS o Coke.

May tigalawang laro pa ang Rain or Shine at Coca-Cola bago itiklop ang 18-game classification phase ng season-ending conference,

Haharapin ng RoS ang Air21 sa pambungad na laro ng alas-singko ng hapon sa Araneta Coliseum, kasunod ng 7:30 p.m. match ng Coke at Sta. Lucia.

Ang top 2 teams pagkatapos ng elims ay agad bibiyahe sa semifinals, una na rito ang top seed Talk ‘N Text (15-3). Pasok na din agad sa best-of-5 quarters ang Nos. 3, 4 at 5, magpapambuno sa wildcard ang 6th, 7th, 8th at 9th, mag-iimpake ang 10th.

Lalagutin sa playoff match sakaling magkaroon ng tie sa 2nd, 5th at 9th.

Isa lang sa Rain or Shine o Coca-Cola ang maaaring makipag-agawan sa Gin Kings sa pangatlo at huling silya sa quarters, dahil sakaling parehong manaig sa kani-kanilang asignatura ngayon ay silang dalawa naman ang magbubuno sa huling game nila sa Linggo.

Pilipitin naman ng Air21 (4-13) na mailusot ang huling salang para pormal nang okupahan ang 9th spot para humabol sa wildcard at tapusin ang season ng Barako Energy Coffee (3-14).

Kapag natalo ang Express ngayon at naipanalo ng Coffee Masters ang huling laro kontra B-Meg Derby Ace sa Linggo, magtatabla ang dalawa sa 4-14.

Ang Sta. Lucia ay nakakasiguro na sa wildcard sa 5-12 anuman ang resulta ng laban kontra Tigers, pero siguradong gustong tapusin ni coach Boyet Fernandez ang eliminations sa pamamagitan ng isang panalo bago sumabak sa knockout round.