PUMAYAG na si Farrah Fawcett na magpakasal kay Ryan O’Neal, ang kanyang longtime companion. Sa interview ni Barbara Walters sa 68-year old Hollywood actor para sa 20/20 ng ABC, ikinuwento ni Ryan na inalok niya ng kasal si Farrah at pumayag ito.

Sinabi ni Ryan na magpapakasal sila ni Farrah kapag masasabi na nito ang salitang “Oo”.

Matagal nang bedridden si Farrah dahil sa anal cancer na na-diagnose noong 2006. Patuloy ang aktres sa pakikipaglaban para sa buhay niya at sa kabila ng kanyang declining health, sinabi ni O’Neal na matutuloy ang kanilang kasal. May isang anak sina Farrah at Ryan, ang 24-year old na si Redmond.