ABOT-TENGA pa rin ang smile ni Bisaya dahil sa mataas na ratings na nakukuha ng Zorro ng anak niyang si Richard. Heto nga at kahit sina­sabi nilang sobrang lakas ng May Bukas Pa? ng ABS-CBN, wagi pa rin ang Zorro, na nakakuha ng 34.0, habang 27.8 naman ang sa May Bukas Pa?

Hala, Annabelle, ituloy mo lang `yang pag-smile mo na `yan!

***

Ngayong araw na ito (June 24) ay magdiriwang ang Philippine National Red Cross ng ika-150 taon na anibersaryo, kasabay rin ng selebrasyon ng International Red Cross Movement.

Ngayon din ay ilulunsad ng Red Cross, katuwang ang Star Records ng isang album na pupukaw sa mga damdamin ng bawat Pilipino upang maging matatag na mamamayan sa kabila ng hamong nararanasan. Isang compilation ng mga awitin na may pamagat na I Move. I Give. I Love., kasama ang theme song ng PNRC na Bagong Umaga, na isinulat ni Jonathan Manalo, at ni Chairman Richard Gordon.

Ang mga tinig nina Toni Gonzaga, Yeng Constantino at Erik Santos ang maririnig sa album na ito. Sabi ni PNRC Secretary General Gwendolyn Pang, sadya nilang pinili ang tatlo para awitin ang theme song ng 150th anni­versary ng PNRC, dahil naniniwala sila sa kakayahan ng tatlo.

“It’s an honor na makasama sa family ng Red Cross,” say ni Toni.

“Hindi lang naman sa pagdu-donate ng dugo ang paraan para makatulong sa Red Cross. May iba silang programs kung saan hindi kailangang mag-donate ng blood,” sabi naman ni Yeng.

“Ang pagiging part ko ng project na ito ng Red Cross ay malaking bagay para sa akin. Isang paraan ito para maka-reach out ako sa tao, sa pamamagitan ng musika na puwede kong ihandog para sa kanila,” sabi naman ni Erik.

Anyway, dahil ang main spirit ng album ay magbahagi at mag-abot ng tulong, hindi nagpabayad ang tatlo sa kanilang pagkanta, at inialay nila ang kanilang mga boses na walang hininging kapalit.

Ang kikitain ng album na ito ay mapupunta sa Red Cross.